Vir 'n dag vol avontuur, geselligheid en gesonde pret is 4x4 net die ding. Of jy nou gemaklik binne die kajuit van 'n netjiese, luukse vierwiel aangedrewe voertuig sit of agterop die laaibak moet vasklou vir jou lewe terwyl gesoute bestuurders verskeie hindernisse aanpak, bly dit 'n lekker ondervinding. By Bergkraal 4x4 roete word voertuie en bestuurders tot die uiterste teen styl hellings (op en af), oor en deur dongas, groot klippe en los sand beproef. Die eienaar van Bergkraal 4x4, mnr. Frikkie van Zyl, is gedurig besig met die onderhoud en verbetering van die verskeie hindernisse oor die roete. Die roete strek oor 54km en neem ongeveer 8 ure om te voltooi. 'n Vleisbraai word halfpad onder 'n bergoorhang (met boesmantekeninge en foofy slide van 300m) aangebied. Alhoewel die Bergkraal roete nog nie geakkrediteer is nie, word die algemene reëls van 4x4 streng toegepas. Frikkie plaas groot klem op die veiligheid van alle deelnemers en is orals by om te verseker dat sake glad verloop. Kostes beloop R150 per voertuig (voldag roete) & R100 (halfdag roete). Motorfietse ook welkom - koste beloop R50 per motorfiets. Besprekings is noodsaaklik!

Moets & Moenies:

Bring-en-braai by boesmantekeninge of piekniek-mandjie - hout en roosters sal voorsien word op voldag roetes ∙ Slegs 10 voertuie per dag ∙ Maksimum van 10 persone per voertuig ∙  ∙ Spoordissipline moet streng nagekom word ∙ Geen skilpaaie, skape, wild en plantegroei mag verwyder word nie ∙ Geen rommelstrooi - vullisdromme word by sekere punte voorsien ∙  Grootwild kan by tye gesien word ∙ Toilet op roetes ∙ Boesmantekeninge op roete ∙ ∙ Vertrektye: Voldag - 09:00 & halfdag - 14:00 ∙ Groepbesprekings op enige dag van die maand is baie welkom - minimum van 5 voertuie

saoutdoors

Free Reciprocate Links contact the webmaster